Vieiros

E este ano, o programa do Encontro-Degustación contará co pregón da cantante Uxía, e maila actuación das pandereteiras de Malvela pola mañán e de Quempallou pola tarde. Para alén disto, haberá as tradicionais visitas guiadas ao muíño e na carpa instalada na aldea poderán os visitantes e veciños degustar ou mercar o pan de millo e os produtos, empanadas, doces,..., elaborados con el.
Por riba, e como colofón a todas as actividades que, coa colaboración de varios colexios da bisbarra, se veñen desenvolvendo durante todo o ano, venres 24 de marzal, entre as 9 e 12 horas da noite, mentres se moe o escuro e saboroso millo co que se farán os produtos da Degustación do domingo, haberá parolada, foliada e o que faga falla no mesmo muíño. Dende a organización convidan a todo o mundo a achegarse ao muíño con instrumentos, algo de mantenza se vos presta e por suposto gana de festiña.