Vieiros

Xoán Antón Pérez-Lema foi un dos poucos colaboradores que acompañaron a Anxo Quintana até o hotel San Francisco. Lema mostrábase moi satisfeito coa intervención do líder dos nacionalistas: "Foi quen de dar solucións ao problema da vivenda, de falar de medidas contra unha desaceleración económica que é unha realidade, ou poñer no debate os dereitos das mulleres, á vez que apelou á necesidade dun maior autogoberno como clave do benestar dos cidadáns".

Mais Pérez-Lema tamén se felicitou polo feito de que se dera o debate e polo traballo da TVG. Dende as filas nacionalistas consideran que este mércores Quintana demostrou a utilidade do proxecto do Bloque e rompeu definitivamente "a bipolaridade que socialistas e populares querían transmitir".